Viss du som forelder er bekymra for at barnet ditt ikkje får godt nok utbytte av opplæringa, kan du krevje at skulen undersøkjer om barnet treng spesialundervisning.
Spesialundervisning er eit tilbod skulen har for elevar som treng noko anna enn den vanlege undervisinga. Spesialundervisning er ein rett, men det må gjerast ei fagleg vurdering før retten inntrer. Det er den pedagogiske-psykologiske tenesta som gjer den faglege vurderinga.
Spesialundervisning kan til dømes vere at eleven jobbar etter andre læringsmål enn andre elevar, at ein lærer eller assistent følgjer opp eleven i klassa eller at eleven får særskilt tilpassa utstyr.
Slik søkjer du:
- Finn fram relevant informasjon og filer / vedlegg før du byrjar å fylla ut skjema.
- Fyll ut skjema og send inn.
- Skulen gjer undersøkjingar og prøver ut tiltak.
- Skulen tilviser til PPT.
PPT lagar sakkunnig vurdering av eleven sitt behov for spesialundervisning, og gir deretter råd om hva slags opplæringstilbod som bør gjevas. - Elev/føresett må samtykka i at skulen tilviser til PPT.
- Rektor fattar vedtak om spesialundervisning.
Dersom sakkunnig vurdering konkluderer med at eleven ikkje har tilfredsstillande utbyte av ordinær opplæring, skal rektor ved den enkelte skule fatta vedtak om spesialundervisning. - Elev/føresett må samtykka.
Elev/foreldre skal samtykka før enkeltvedtak om spesialundervisning vert fatta. - Skulen lagar individuell opplæringsplan (IOP).
Elev/føresette skal involverast i utarbeidinga av denne – men har ikkje klagerett..
Klage
Ønskjer du å klaga på vedtak om spesialundervisning må du senda ein klage til skulen som har fatta vedtaket.