Spørsmål: Skriftlege spørsmål er ein kort spørsmålsform. Ved handsaming av spørsmål kan den som spør, og den som svarer, ha eitt innlegg kvar. Dei kan dessutan ha ordet ein gong kvar til konkrete merknader. Ingen andre skal ha ordet.
Interpellasjon: Spørsmål av prinsipiell art, der det vert føresett meir omfattande svar og ev. debatt, vert å handsama som interpellasjon. Under den fulle handsaming av interpellasjonen kan interpellanten og ordførar/leiar i møtet, få ordet 2 gonger. Elles skal ingen ha ordet meir enn ein gong.
Fagspørsmål/interpellasjon skal direkte til rett utval. Dersom du ikkje er medlem/varamedlem i utvalet spøsmålet/interpellasjonen skal til, kan du få eit medlem til å stilla spørsmålet på vegner av deg.
Spørsmål og interpellasjonar skal meldast skriftleg minst 10 dagar før møtet.
Les meir om spørsmål og interpellasjonar i politisk reglement og retningslinjer